דרעפט:אמונת ישראל
 |
דאס איז א דרעפט ארטיקל. עס איז אַן אַרבעט אין פּראָגרעס וואָס איז אָפן פאַר רעדאַגירונג דורך סיי וועם. ווען דער דרעפט איז פארטיג, ביטע גייט איבער דעם אריבערפירן טשעקליסט, זיכער צו מאכן אז עס איז גרייט. דערנאך קענט איר בעטן פון די דרעפט אריבערפירער אז זיי זאלן עס איבערגיין און אריבערפירן צום הויפט געביט. (אייער בקשה וועט פובליצירט ווערן אין המכלול:אריבערפירן דרעפטס, און דארט וועט אויך ערשיינען דער ענטפער - אויב פעלט אויס). |
אמונת ישראל איז א חסידישע געמיינדע, געגרינדעט אין תשל"א דורך רבי משה וואלפסאן און הויפטקווארטירט אין בארא פארק מיט פיליאלעס אין מאנסי, לעיקוואוד, ביתר און ירושלים. עס ווערט היינט געפירט דורך זיין זון רבי אברהם יצחק אין מאנסי און זיין אייניקל רבי שמואל יהודה זילבער אין בארא פארק.
היסטאריע
רבי משה וואלפסאן איז געשטעלט געווארן[אויסקלארונג פארלאנגט] דורך רבי יעקב קאמינעצקי אלס משגיח אין ישיבה תורה ודעת, וואו פילע בחורים האבן זיך אנגעהויבן קלאמערן צו אים און געשאפן א גרופע לערנען פון אים עבודת ה', און ספעציעל עבודת התפילה צו דאווענען פאוואליע. אינעם זומער קעמפ האט ער אוועקגעשטעלט פאר זיינע תלמידים א ספעציעלע סדר היום מיט תורה און מוסר שמועסן. ווען די מיטגלידער פון דעם גרופע האבן חתונה געהאט, האבן זיי געבעטן רבי משה צו בלייבן זייער משפיע, און אין יאר תשל"א האט זיך דערפון אוועקגעשטעלט די קהילה 'אמונת ישראל'[1]. שפעטער האבן זיינע תלמידים געעפנט א שול אין בארא פארק, און רבי משה האט זיך אריבערגעצויגן אהין.
כאראקטער
רבי משה האט זיך געדרייט און געשעפּט פון א פילפארביגע רייע פון השפעות. קארלין, פון וואו ער האט גענומען דאס דאווענען מיט געשרייען; סקווירא; מאדזשיץ, נגינה; ליובאוויטש.......
ער האט זייער מקפיד געווען אז מ'זאל נישט רעדן ביים דאווענען, און ער האט אפי' דעריבער מבטל געווען דאס זאגן מי שברך.
היינט
פון א קליינער שטיבל האט זיך דער שול צעוואקסן צו א גרויסער היכל מיט 600 זיצן, און ס'איז צוגעקומען פיליאלעס פון די קהילה איבער די וועלט, ווי אין מאנסי, לעיקוואוד, ביתר עילית און ירושלים[1]. די קהילה אין בארא פארק פארמאגט א חדר, ישיבה קטנה און ישיבה גדולה, און א מיידל שולע (אין סטעטן איילענד?). די קהילה פארמאגט זעקס כוללים.
אין אנהייב האט ער געשיקט רוב בחורים לערנען אין ישיבה אין ארץ ישראל, אבער וויבאלד זיינע חסידים האבן געגרינדעט א תלמוד תורה און ישיבה האט ער זינט דעמאלט אויפגעהערט שיקן די בחורים. די דאזיגע מוסדות ווי אויך די מיידל שולע זענען אונטער זיין פירערשאפט, אבער לויט זיין באפעל, פלעגט מען זיך באראטן מיטן קאסובער רבין אלע פראגן וואס זענען אויפגעקומען אין דער פארוואלטונג פון די מוסדות. רבי משה האט אויך געגרינדעט ארשידענע צדקה קאסעס פאר די קהילה.
אין יאר תש"פ האט רבי משה אויפגענומען זיין אייניקל רבי שמואל יהודה זילבער, וועלכער איז געווען שטארק באליבט ביי אים, אלס דיין און מורה הוראה פון קהל אמונת ישראל און אלס א משפיע רוחני און ראש חבורה פון די בחורים.
רבי משה איז נפטר געווארן י"ז סיון תשפ"ד, און ביים לוויה אין בארא פארק זענען לויט זיין צוואה אויפגענומען געווארן זיין אייניקל רבי שמואל יהודה אלס רב פון דער קהילה און בית מדרש אין בארא פארק[2], און רבי משה'ס זון רבי אברהם יצחק וואלפסאן אלס רב פון דער קהילה אין מאנסי.
רבי שמואל יהודה איז א זון פון רבי מרדכי מנשה זילבער, רבי פון תולדות יהודה דתלמידי סטוטשין, איידעם פון רבי משה וואלפסאן. רבי שמואל יהודה איז אן איידעם ביי רבי חיים לייב כ"ץ. ער איז באקאנט אלס א תלמיד חכם און א עובד ה', און ער גיבט אויך שיעורים אין הלכה[3].
דרויסנדיגע לינקס
- אמונת ישראל אויף בחצרות זייטל
רעפערענצן
- ↑ 1.0 1.1 משה ויסברג, המשגיח של אמריקה: הגאון הצדיק רבי משה וולפסון זצוק"ל, אויף בחדרי חרדים, יוני 23, 2024
- ↑ וזרח השמש: נכדו חביבו פונעם זקן המשגיחים, הגה"צ ר' שמואל יהודה זילבער שליט"א געקרוינט אלס מ"מ בק"ק אמונת ישראל אויף בחצרות הקודש
- ↑
דיני סעודת שבת - ר' שמואל יהודה זילבער שליט"א אויף יוטיוב