דרעפט:רבי שמואל דוד הלוי אונגאר

הרב שמואל דוד הלוי אונגאר פון נייטרא

רבי שמואל דוד הלוי אונגאר דער היינטיגער אדמו"ר און גאב"ד פון נייטרא, און דער ראש ישיבה פון דער נייטרא ישיבה אין מאונט קיסקא, ניו יארק.

ער איז א זון פון רבי שלום משה הלוי אונגאר, וועלכער איז געווען דער זון פון רבי שמואל דוד אונגאר בעל נאות דשא, דער לעצטער שטאטס רב אין נייטרא אייראפע.

ביאגראפיע

רבי שמואל דוד אונגאר איז געבוירן געווארן אין פאראייניגטע שטאטן צו רבי שלום משה און סערל, טאכטער פון רבי חיים אליהו טייטלבוים פון בערעגסאז און דומ"ץ אין בארדיוב.

ער האט געלערנט אין ישיבת נייטרא אין מאונט קיסקא און אין ישיבת דושינסקיא אין ירושלים, וואו ער איז געווען נאנט צו זיין רבי'ן רבי ישראל משה דושינסקיא.

ער האט חתונה געהאט מיט דער טאכטער פון רבי אליעזר מרדכי אפרים (פישל) סופר, אב"ד טעמעשוואר און קהילת פאפא אין ירושלים.

רבנות

נאך זיין חתונה האט ער געדינט אלס רב הצעיר אין דער נייטרא קהילה ביים לעבן פון זיין פאטער רבי שלום משה, און איז געקרוינט געווארן אלס נייטרא רב אום ניסן תשס"ג, נאך זיין פאטער'ס פטירה. ער האט איבערגענומען די הנהגה פון דער נייטרא ישיבה און די נייטרא יישוב אין מאונט קיסקא.

אויסער די מוסדות החסידות אין מאונט קיסקא, עקזיסטירט אן אנדערע ישיבה אונטער זיין נשיאות. זיין קהילה פירט מוסדות און בתי מדרש אין וויליאמסבורג, בארא פארק און ירושלים; ישיבת "אהלי ש"ם" אין מאנסי; כוללים 'אהלי שם' און 'מדרש שמואל' אין ירושלים. אזוי אויך פירט די קהילה א קעמפ (קאנטרי) אין אמעריקע.

ספרים

רבי שמואל דוד אונגאר איז דער מחבר פון די ספרים "דבש מסלע".

• "דבש מסלע" - הלכות נדה, מאונט קיסקא תש"נ (1990).

דער חיבור "דבש מסלע" אויף הלכות נדה האט, נאך פאר'ן דרוקן, זוכה געווען צו דער ווארימער אויפנאמע פון גרויסע רבנים, צווישן זיי רבי יצחק יעקב ווייס וועלכער האט מסכים געווען צו זיין חיבור, און רבי יוסף גרינוואלד פון פאפא וועלכער האט אסאך געטון צו לערנען אין זיי ער האט געדרוקט דעם ספר אין יאר תש"נ מיט דער הסכמה פון: זיין פאטער רבי שלום משה, רבי משה טייטלבוים, רבי רפאל בלום, רבי שמואל הלוי וואזנער, רבי משה אריה פריינד און רבי חנוך דב פאדווא.

• "דבש מסלע" - הלכות שבת, מאונט קיסקא תשס"ה (2005).

• "דבש מסלע" - מסכת כתובות, מאונט קיסקא תשס"ט (2009).

משפחה

• זיין זון רבי יצחק צבי, רב פון נייטרא קהילה און ראש כוללי 'אהלי שם' און 'מדרש שמואל' אין ירושלים, איידעם פון רבי יוסף חיים פרענקל האדמו"ר מוויליפאלי.

• זיין זון רבי יעקב חזקיהו, יונגער רב אין קרית נייטרא, איידעם פון רבי משה סופר האדמו"ר מערלוי.

• זיין זון רבי יוסף חיים, איידעם פון רבי מאיר אלעזר ווייס האדמו"ר מסאספענקא.

דרויסנדיגע לינקס

רבי שמואל דוד אונגאר, דבש מסלע, הלכות נדה, מאונט קיסקא, תש"נ.

אדמו"ר מנייטרא אויפן JDN וועבזייטל.

ביים ציון החתם סופר אין פרעשבורג.