יוחנן הגַדי איז געווען א זון פון מתתיהו הכהן, א ברודער פון יהודה המכבי און איינער פון די פירער פון דער חשמונאי'שע רעוואלט.
ער ווערט אויסגערעכנט ערשט צווישן די זין פון מתתיהו אין ספר מקבים א'[1], און ייתכן אז דאס דייט אן אז ער איז געווען דער עלטסטער[2], אבער אין מגילת אנטיוכוס ווערט ער דערמאנט אלס דער דריטער[3]. אויך ווערט דארט דערמאנט זיין צווייטער נאמען, "גדי", און דאס איז ווארשיינליך מרמז אויף א גוטן מזל[4].
יוחנן איז געווען פון די קאמאנדירן ביי דער חשמונאי'שער רעוואלט. ווען יהודה איז ארויס אין די שלאכטן קעגן ניקנור האט ער איינגעטיילט זיין מיליטער אין פיר טיילן; און געשטעלט זיינע ברודער, אריינגערעכנט יוחנן[5], אין שפיץ פון זיי[6]. אויך שפעטער ווערט יוחנן באצייכנט אלס "ראש החיל"[7].
נאך יהודה'ס אומקום אין א שלאכט קעגן באקכידעס, האט דאס פאלק געקרוינט אלס פירער זיין ברודער יונתן, וועלכער איז אנטלאפן פון באקכידעס צו מדבר תקוע. אין יענע צייט האט יונתן געשיקט יוחנן צו די נאבאטן אוועקצולייגן ביי זיי געלט און פארמעגן, אבער אן אראבישע שבט "יאמברי" פון מידבא האט בארויבט פון אים דאס פארמעגן און אים גע'הרג'עט. יונתן און שמעון האבן נקמה גענומען פאר זיין בלוט, און א צייט שפעטער האבן זיי באפאלן א חתן פונעם שבט וועלכע איז געגאנגען הייראטן א כלה פון "כנען", אינאיינעם מיט זיינע באגלייטער. זיי האבן גע'הרג'עט 400 לייט, פארטריבן די איבריגע, און בארויבט די פארמעגנס זיי האבן געטראגן[8].
רעפערענצן
- ↑ ספר מקבים א, פרק ב', פסוק ב'
- ↑
פאראמעטער פעלערן אין מוסטער:יודאיקה
פאראמעטער [ 3, 4 ] ערשיינען נישט אין מוסטער דעפיניציע
פאראמעטער [ ווירטואל, קאם ] ערשיינען נישט אין מוסטער דעפיניציע אוריאל ראפאפארט, "Johanan The Hasmonean", Encyclopaedia Judaica, 2007.
- ↑ מגילת מתתיהו, אויף ויקיטקסט
- ↑ אברהם כהנא, "מקבים א", הספרים החיצונים ב, ירושלים, תש"ל, זייט קד (פארלאנגט אומזיסטע רעגיסטראַציע)
- ↑ אין דער יווני'שער ווערסיע שטייט "יוסף", אבער עס איז ווארשיינליך א טעות. זע: אברהם כהנא, "מקבים ב", הספרים החיצונים ב, ירושלים, תש"ל, זייט רד (באגרעניצט צו באַצאָלטע אַבאָנענטן)
- ↑ ספר מקבים ב, פרק ח', פסוק כ"ב
- ↑ ספר מקבים א, פרק ט', פסוק ל"ה
- ↑ ספר מקבים ב, פרק ח', פסוקים ל"ה–מ"ב; יוסף בן מתתיהו, קדמוניות היהודים, ספר יג, פרק א
| חשמונאים דינאסטיע משפחה בוים
|
- הערשער פון בית חשמונאי.
די יארן באציען זיך צו דער הארשאפט, נישט צו די פערזאנ'ס לעבן.
|
|
