אונטערשייד צווישן ווערסיעס פון "רבי מרדכי דוד אונגער פון דאמבראווא"

'''רבי מרדכי דוד אונגער''' (ארום ה'תק"ל – [[ז' שבט]] [[ה'תר"ג]]) איז געווען א תלמיד פונעם [[רבי יעקב יצחק פון לובלין|"חוזה" פון לובלין]], א רבי אין [[דאמבראווא]], און שטאם-פאטער פון די [[דאמבראווא (חסידות)|דאמבראווער]] דינאסטיע.

רבי מרדכי דוד איז געבוירן בערך אין תק"ל אין דאָמבראָווא {{אנ|Dąbrowa Tarnowska}}, [[פוילן]], צו רבי צבי הירש{{הערה|אין זיין הסכמה אויפן ספר "[[עבודת ישראל]]" על התורה, ערשינען דורך זיין זון רבי אברהם אלחנן, שרייבט ער זיך אונטער: "הק' מרדכי דוד בהרב הצדיק מו' צבי הירש נבג"מ זצוק"ל מדאמבראווא". {{אוצר החכמה|2=עבודת ישראל|3=153669|page=8|כותרת=הסכמות}}.}}{{הערה|רבי צבי הירש איז געווען אן אייניקל פונעם [[רבי נפתלי כ"ץ| "סמיכת חכמים"]], [[מהר"ל פון פּראָג]], [[רש"י]], [[רא"ש]] און [[רב האי גאון]], וועלכער האט געצויגן זיין יחוס ביז צו [[דוד המלך]]. ער האט זיך מפרנס געווען פון וויין האנדל, און דער חוזה האט מעיד געווען אויף אים אז ער איז מייחד יחודים ביים וועגן פאר די קונים.}} און מושקיט. רבי צבי הירש פלעגט פארן צו [[צדיק]]ים, ספעציעל צום [[רבי אברהם יהושע העשיל (אפטא)|אפטער רב]], און איז נאך אויך געפארן צו [[רבי אלימלך פון ליזענסק]], און שפעטער צום "חוזה" פון לובלין.

אין זיינע יונגע יארן, האט ער געלערנט אין דער ישיבה פונעם [[רבי ישראל האפשטיין|קאָזשניצער מגיד]]{{הערה|אין [https://tablet.otzar.org/#/book/153669/p/8/t/0568907841234/fs/0/start/0/end/0/c זיין אויבנדערמאנטער הסכמה] אויפן ספר עבודת ישראל פונעם קאזשניצער מגיד, שילדערט ער די תקופה וואס ער האט געלערנט אין קאזשניץ, ווי מ'האט דארט געלערנט [[מסכת קידושין]], און דער קאזשניצער מגיד האט מפלפל געווען בעיון און אין דער זעלבער צייט מייחד געווען [[יחוד (קבלה)|יחודים]]. אויך שרייבט ער דארט אז אלע גדולי וחסידי הדור זענען תלמידים, אדער תלמידי תלמידים, פונעם קאזשניצער מגיד.}}. ער האט חתונה געהאט מיט חיה שרה, טאכטער פון א גביר פון טשמעלאוו (Chmielów), א [[מתנגדים|מתנגד]].

אלס יונגערמאן, פלעגט ער פארן בקביעות צום חוזה פון לובלין און געווען ביי אים "[[תקיעת שופר|בעל תוקע]]", ווען דער חוזה דינט אלס "בעל מקריא"{{הערה| מדרכ"י דוד, אין נאמען פונעם וואוידיסלאווער רב, [[רבי ישכר בער ראטנבערג]].}}. אין לובלין איז ער נאנט געווארן מיט [[רבי אשר ישעיה רובין|רבי אשר ישעיה]] [[ראפשיץ (חסידות)|ראָפּשיצער]]{{הערה|אין "אור ישע" זענען געדרוקט צוויי בריוו פון רבי אשר'ל ראפשיצער, אין וועלכע ער באצייכנט רבי מרדכי דוד "ידיד נפשי". {{אוצר החכמה|2=אור ישע|3=51762|4=דף ט"ז עמוד ב'|page=31}}.}} און מיטן "[[רבי אריה לייביש ליפשיץ|אריה דבי עילאי]]". אין די שפעטערע יארן, פלעגט ער יערליך פארן קיין ראפשיץ צו רבי אשר'ל און אויך קיין [[ווישניצא]] צום אריה דבי עילאי{{הערה|געווענליך אין די [[עשרת ימי תשובה]]; און דער אריה דבי עילאי פלעגט צוריקפארן צו אים אינמיטן יאר.}}.

רבי מרדכי דוד איז געווען א גאון בתורה{{הערה|נאכן הסתלקות פונעם [[לעמבערג]]ער [[רב]], [[רבי יעקב משולם אורנשטיין|דער "ישועות יעקב"]] אין תקצ"ד, האבן די [[פרנס|טובי העיר]] געוואלט אויפנעמען רבי מרדכי דוד אלס לעמבערגער רב, נאר למעשה איז עס נישט צושטאנד געקומען. {{אוצר החכמה|2=מדרכ"י דוד|3=160855|4=זייט ד'|page=200}}, אין נאמען פון רבי אהרן טייטלבוים פון טשענסקאָוויץ, אייניקל פון רבי מרדכי דוד.}}, ווי עס ווייזט אויך אויס פון די בריוו-אויסטוישן מיט אים אין ספרי [[שאלות ותשובות]]{{הערה|זע צב"ש עטליכע בריוו אין שו"ת שובע שמחות פון רבי מנחם מענדל לעזער פון [[סטריזוב]]. {{היברובוקס|2=שובע שמחות|3=41084|page=2|באנד=ב}}.}}.

ווילנדיג זיין א "נהנה מיגיע כפו", האט רבי מרדכי דוד אנגעהויבן האנדלען מיט [[וויין]], אזויווי זיינע עלטערן{{הערה|זיין פאמיליע-נאמען "אונגער" האט זיך גענומען צוליב זיינע שטענדיגע נסיעות קיין [[אונגארן]] צו ברענגען פון דארט וויין.}}, און זיין רבי פון לובלין פלעגט אים אנווייזן וועלכע פאס איז מהודר בכשרות און וועלכע נישט און לויט דעם האט רבי מרדכי דוד געפרייזט די וויין.

[[קאַטעגאָריע:אדמורי"ם]]

[[קאַטעגאָריע:גאליציאנער רבנים]]

[[קאַטעגאָריע:פוילישע רבנים]]