אונטערשייד צווישן ווערסיעס פון "רוי:הרב ישראל שלום יוסף פרידמאן (בן שלום)"

 

הרב '''ישראל שלום יוסף פרידמאן בן שלום''' (געב' [[כ"ט חשון]] [[ה'תרפ"ד]], נפ' [[ה' אייר]] [[ה'תשע"ז]]), איז געווען דער [[פאשקאן(חסידות)|פאשקאנער]] רבי, א [[דאקטאר (פילאזאפיע)|דאקטאר]] פון [[היסטאריע|היסטארישער]] [[וויסנשאפט]] און א דאצענט אין דעם [[תל אביבער אוניווערסיטעט]] און אויך אין דעם [[בן גוריון אוניווערסיטעט]] אין [[באר שבע]]. צוזעצליך ער האט געדינט אלס [[ראש ישיבה]] פון דער מזרחי-הסדר ישיבה "אהבת ישראל" אין דעם שטעטל [[נתיבות]].

אין לויף פון זיין וויילונג אין בוקארעסט איז אהינגעקומען די משפחה פונעם [[וויזשניץ (חסידות)|וויזשניצער]] רבי, [[חיים מאיר האגער]], דער "אמרי חיים", וועלכע איז ארויסגעשמוגלט פון [[אונגארן]] אין יאר [[ה'תש"ד]]. דארט האט ער אויך קענענגעלערנט זיין צוקונפטיגע ווייב, מרת [[ציפורה פרידמאן (בן שלום)|ציפורה]], די יונגסטע טאכטער פונעם אמרי חיים. זי האט באשלאסן בייצוטרעטן זיין פלאן, זיך באזעצן אין [[ארץ ישראל]], און ממשיך זיין צו באיינפלוסן און מקרב זיין די יוגנד וועלכע פלעגט ער מקרב זיין אין באהוש.

רבי ישראל איז געבוירן געווארן אין דעם שטעטל [[באהוש]] אין [[רומעניע]] צו זיין פאטער רבי יצחק, זון פון [[רבי משה יהודה לייב פרידמאן]] פון פאשקאן, און צו זיין מוטער מרת שרה דבורה, טאכטער פון [[רבי מנחם מענדל פרידמאן]] פון [[באהוש (חסידות)|באהוש]], וועלכער איז געווען אויך זיין פאטער'ס שוועסטער-קינד. ער איז געהייסן געווארן נאך זיין עלטער-זיידן (זיין מאמע'ס זיידע), דער רבי, [[רבי ישראל שלום יוסף פרידמאן]] פון באהוש, דער בעל מחבר ספר "פאר ישראל". ווען איז ער געווען 9 יאר אלט איז זיין מאמע נפטר געווארן. רבי ישראל האט געצויגן מיט זיך א רייכן יחוס און איז געווען אן אפשטאמלינג פון די פאלגנדע הויפן: [[רוזשין]], [[קאסאוו]]-[[וויזשניץ (חסידות)|וויזשניץ]], [[טשערנאביל (חסידות)|טשערנאביל]], [[אפטא]], [[סאסאוו (חסידות)|סאסאוו]], [[ראשקאוו (חסידות)|ראשקאוו]] און [[זלאטשוב (חסידות)|זלאטשאוו]]. זיינע עלטערן זענען געווען אייניקלעך פון [[רבי יצחק פרידמאן (באהוש) (א)|רבי יצחק פרידמאן]], וועלכער איז געווען באקאנט אלס דער "אדמו"ר הזקן" פון באהוש, דער עלטסטער אייניקל פון [[רבי ישראל פון רוזשין|ישראל פרידמאן]], וועלכער איז באקאנט אלס דער הייליגער רוזשינער.